ކުރިޔަށް އޮތް މުސްތަގްބަލްގައި ދިވެހި ރާއްޖެއަށް ސިޔާސީ ބޮޑެތި ބަދަލު އައުމަކީ ޔަގީންކަމެކެވެ. މީގެ ގިނަކަންކަން ވެގެންދާނީ މިޔަދު މިވަގުތު ކުރިޔަށް ލަފާކޮށް ބުނުން ވަރަށް އުނދަގޫ ކަންކަމަށެވެ. ނަމަވެސް އެއް ކަމެއް ޔަގީނެވެ. އެއީ ކުރިޔަށް އޮތް ވިހި ތިރީހަކަށް އަހަރު ތެރޭ ދިވެހިރާއްޖޭގައި ދެވަނަ ބަޣާވާތެއް ހިންގާ މަދަނީ ހަމަނުޖެހުމެއް ހިނގާނެކަމެވެ. އެއީ ސިޔާސީ އިލްމުގެ އަލީގައި ވުން ގާތްކަމަށް ބުނެވޭނޭ ކަމެކެވެ. އަދި މި ހަމަނުޖެހުން ހިނގަން މެދުވެރިވާނެ އެންމު ބޮޑު އެއް ސަބަބަކަށްވާނީ ދިވެހި ރާއްޖޭގައި ވެރިކަން ކުރުމަށް ގެންގުޅޭ ރިޔާސީ ނިޒާމެވެ.